వెలుగొండ నీటి ప్రవాహంలో చిక్కుకున్న ముగ్గురు యువకులు.. రక్షణ చర్యల్లోకి కలెక్టర్ విజయ సునీత.

వెలుగొండ నీటి ప్రవాహంలో చిక్కుకున్న ముగ్గురు యువకులు.. రక్షణ చర్యల్లోకి కలెక్టర్ విజయ సునీత

నేటివార్త, మార్కాపురం జిల్లా, సెప్టెంబర్ 1

వెలుగొండ ప్రాజెక్టు నుంచి నీటి ప్రవాహం కొనసాగుతున్న సమయంలో ముగ్గురు యువకులు నీటి ప్రవాహంలో చిక్కుకోవడంతో అధికార యంత్రాంగం అప్రమత్తమైంది. 

విషయం తెలుసుకున్న మార్కాపురం జిల్లా కలెక్టర్ విజయ సునీత వెంటనే రంగంలోకి దిగి, యువకులను సురక్షితంగా బయటకు తీసుకువచ్చేందుకు రక్షణ చర్యలను ముమ్మరం చేయాలని అధికారులను ఆదేశించారు.

నీటి ప్రవాహం ఉధృతంగా ఉన్న నేపథ్యంలో ఎలాంటి ప్రాణనష్టం జరగకుండా ముందస్తు జాగ్రత్తలు తీసుకోవాలని పోలీసు, రెవెన్యూ, విపత్తు నిర్వహణ సిబ్బందికి సూచించారు. సహాయక బృందాలను ఘటనాస్థలికి పంపించి, చిక్కుకున్న యువకుల ఆచూకీ తెలుసుకుంటూ రక్షణ చర్యలను పర్యవేక్షించారు.

కలెక్టర్ విజయ సునీత ఆదేశాలతో అధికారులు, రెస్క్యూ సిబ్బంది సమన్వయంతో చేపట్టిన చర్యల ద్వారా ముగ్గురు యువకులను సురక్షితంగా బయటకు తీసుకువచ్చేందుకు చర్యలు చేపట్టారు.

వెలుగొండ నీటి ప్రవాహం వద్ద ప్రజలు, ముఖ్యంగా యువత అత్యుత్సాహంతో నీటిలోకి వెళ్లవద్దని అధికారులు హెచ్చరించారు. నీటి ప్రవాహం ఉధృతంగా ఉన్న ప్రాంతాల్లో అప్రమత్తంగా ఉండాలని సూచించారు.