ఆరోగ్యానికి ఎంతగానో ఉపయోగ పడేది బోడ కాకరకాయ.

ఆరోగ్యానికి ఎంతగానో ఉపయోగ పడేది బోడ కాకరకాయ.

నేటి  వార్త హైదరాబాద్:

బోడ కాకర కాయ అద్భుతమైన ఆరోగ్యాన్నిచ్చే గుణాలు కలిగి ఉందని ఆయుర్వేదం చెబుతోంది. అందుకే ఈ బోడ కాకరకాయను క్రమం తప్పకుండా తీసుకోవడం శరీర ఆరోగ్యానికి చాలా మంచిదని చెబుతున్నారు.

 కండరాలు బలోపేతానికి బోడకాకర కాయ ఎంతగానో ఉపయోగపడుతుంది. ఈ ఓవల్ గ్రీన్ వెజిటేబుల్లో విటమిన్లు, మినరల్స్, ఫైబర్ వంటి అనేక ముఖ్యమైన పోషకాలు ఉన్నాయి. 

ఈ వెజిటేబుల్ వ్యాధి నిరోధక శక్తిని పెంపొందించడమే కాకుండా శరీర పోషణలో కూడా సహాయపడుతుంది. బోడ కాకర కాయలో విటమిన్ ఎ పుష్కలంగా ఉంటుంది. 

ఇది కళ్ళకు చాలా మంచిది. ఈ కూరగాయల రసం మొటిమలు, తామరను నయం చేయడానికి ఉపయోగిస్తారు. బోడకాకర కాయ విత్తనాలను కూడా వంటల్లో వాడుకోవచ్చని నిపుణులు సూచిస్తున్నారు. 

బోడ కాకర కాయలో ఫ్లేవనాయిడ్స్, యాంటీ ఆక్సిడెంట్లు పుష్కలంగా ఉంటాయి. ఆయుర్వేదం ప్రకారం, ఈ కూరగాయలను ఎక్కువగా తినటం వల్ల నాడీ వ్యవస్థ వ్యాధులకు చికిత్సగా పనిచేస్తుంది. 

ఈ కూరగాయలలో కేలరీలు తక్కువగా ఉంటాయి. అందువల్ల బరువు తగ్గాలని ప్రయత్నించే వారికి బోడ కాకర కాయ ప్రయోజనకరంగా ఉంటుంది. 

ఈ బోడకాకర కాయలో ఫైబర్ ఎక్కువగా ఉంటుంది. ఈ కూరగాయ తింటే త్వరగా ఆకలి వేయదు. బోడ కాకర కాయను తినడం వల్ల మలబద్ధకం నుంచి ఉపశమనం లభిస్తుంది.