పలు అభివృద్ధి పనులకు శంకుస్థాపన చేసిన సీఎం రేవంత్ రెడ్డి.

పలు అభివృద్ధి పనులకు శంకుస్థాపన చేసిన సీఎం రేవంత్ రెడ్డి.

ఆత్మకూరు–అమరచింతల్లో మౌలిక వసతులకు భారీ నిధులు

జూరాల దర్యాప్తు ప్రాంతంలో హై లెవెల్ బ్రిడ్జ్ నిర్మాణానికి శ్రీకారం

మంత్రి వర్గం, ప్రజాప్రతినిధుల సమక్షంలో కీలక కార్యక్రమాలు

నేటి వార్త మక్తల్, డిసెంబర్ 1 :

వనపర్తి జిల్లా మక్తల్ నియోజకవర్గంలో మొత్తం రూ.151.92 కోట్ల విలువైన అభివృద్ధి పనులకు రాష్ట్ర ముఖ్యమంత్రి రేవంత్ రెడ్డి శంకుస్థాపన చేశారు. 

ఆత్మకూరు (ఎం), అమరచింత మున్సిపాలిటీల పరిధిలో జరుగనున్న వివిధ మౌలిక వసతుల పనులకు ప్రధానమంత్రి పునాది వేశారు. స్థానిక ప్రజలు పెద్ద ఎత్తున హాజరై ఈ కార్యక్రమాన్ని విజయవంతం చేశారు.

 అభివృద్ధి దిశగా రాష్ట్ర ప్రభుత్వం తీసుకుంటున్న వేగవంతమైన చర్యలు ప్రజల్లో నమ్మకాన్ని పెంచుతున్నాయని అధికారులు తెలిపారు. 

ఆత్మకూరు మున్సిపాలిటీ పరిధిలో రూ.15 కోట్లతో మౌలిక వసతుల అభివృద్ధి, వీధుల మెరుగుదల, నీటి సరఫరా వ్యవస్థలు, పారిశుద్ధ్య చర్యలు చేపట్టనున్నట్లు వెల్లడించారు. 

అదేవిధంగా, 50 పడకల సామర్థ్యం గల కమ్యూనిటీ ఆరోగ్య కేంద్ర నిర్మాణానికి శంకుస్థాపన చేయడం స్థానిక ప్రజలకు పెద్ద మద్దతుగా నిలవనుంది. 

ప్రాంతీయ ఆరోగ్య సేవలను బలోపేతం చేయడంలో ఈ కేంద్రం కీలక భూమిక పోషించనుందని అధికారులు పేర్కొన్నారు. 

ఆరోగ్య రంగాన్ని గ్రామీణ స్థాయిలో మరింత బలోపేతం చేయడమే ప్రభుత్వ లక్ష్యమని వెల్లడించారు. 

ప్రియదర్శి జూరాల ప్రాజెక్టు డ్యాం దిగువన రూ.121.92 కోట్ల వ్యయంతో నిర్మించనున్న హై లెవెల్ బ్రిడ్జ్ ఈ ప్రాంత అభివృద్ధికి కీలక మౌలిక సదుపాయంగా నిలుస్తుందని ముఖ్యమంత్రి తెలిపారు. 

మక్తల్ మరియు పరిసర ప్రాంతాలకు రవాణా వసతులు మరింత మెరుగుపడటంతో, వ్యవసాయ ఉత్పత్తుల రవాణా, స్థానిక వాణిజ్యానికి ఈ ప్రాజెక్టు ప్రయోజనం చేకూర్చనుంది. వరదకాలంలో ఎదురయ్యే ఇబ్బందులను నివారించడంలో కూడా ఈ వంతెన కీలక పాత్ర పోషించనుందని అధికారులు అభిప్రాయపడ్డారు. 

అమరచింత మున్సిపాలిటీ పరిధిలో కూడా రూ.15 కోట్లతో పలు అభివృద్ధి పనులు చేపట్టనున్నట్లు కార్యక్రమంలో తెలిపి‌న్నారు. 

ఈ శంకుస్థాపన కార్యక్రమాల్లో మంత్రులు దామోదర్ రాజనర్సు, కోమటిరెడ్డి వెంకట్ రెడ్డి, జూపల్లి కృష్ణారావు, వాకిటి శ్రీహరి, ప్రణాళికా సంఘం ఉపాధ్యక్షులు చినారెడ్డి గలిగే ప్రజాప్రతినిధులు పాల్గొన్నారు. 

తెలంగాణరైజింగ్ 2047 లక్ష్యాలకు అనుగుణంగా రాష్ట్రంలో వేగవంతమైన అభివృద్ధి కొనసాగుతుందని ముఖ్యమంత్రి స్పష్టం చేశారు.